Liam Prút

Liam Prút

Photographer: Máire Uí Mhaicín

Usage rights: Foras na Gaeilge

Date: 9 November 2011

Setting: Dublin

Alternate portrait: Portráid

Iarbhráthair, iarmhúinteoir, iarléachtóir agus iaraistritheoir is ea Liam, ach scríbhneoir ba ea é i gcaitheamh na mblianta sin go léir. Tá na hiar-anna sin curtha laistiar de anois, agus is scríbhneoir lánaimseartha iarbhír atá ann. Scríbhneoir ilghníomhach, ilchumasach é a mbíonn raon leathan séanraí scríbhneoireachta mar chleachtas aige. Tá taithí aige ar obair eagarthóireachta, agus ar aistí critice a scríobh mar aon leis an scríbhneoireacht chruthaitheach. Is mó díolaim filíochta foilsithe ag Liam, ina measc: Fíon as Seithí Óir (1972), Asail (1982), An Dá Scór (1984), An Giotár Meisce (1988), Loch Deirg-Dheirc (1994), Plumaí (1997), Gealadhram (2002) agus Cnap-Uaisle (2008). Tá cáil air freisin mar úrscéalaí agus mar ghearrscéalaí. Désirée (1989), Geineasas (1991), An Leanbh sa Lamborghini (1996), Sna Flaithis go hArd (2011) mar úrscéalta aige agus Sean-Dair (1985), agus Scéalta nach Beag (2002) foilsithe mar chnuasaigh gearrscéalta. Léiriú eile ar réimse a cheirde na foilseacháin do pháistí. Foilsíodh Crúibín, scéal faoi shearrach agus a chuid eachtraíochta, i 2001. Lean uaidh seo Cara ag Crúibín (2003), agus Crúibín agus an tAsal (2007).

Liam Prút, poet and writer of fiction, has won many awards for his work. Born in Nenagh, Co. Tipperary, he joined the Christian Brothers in 1953. His poetry collections include Fíon As Seithí Óir (1972), Asail (1982), An Dá Scór (1984), and An Giotár Meisce (1988); he published short stories, Sean-Dair (1985), a novella, Geineasas (1991), and Désirée (1989), a novel. He has also published for children — Crúibín (2002), Cara ag Crúibín (2003), and Crúibín agus an tAsal (2007).

Place of birth: Nenagh, Co. Tipperary

Share this portrait:

Ní leánn an t-im ’na béal!


Glam-nach-binn murascaille
An Iaráic thrua ’na bladhm
Sionainn séanta seachantach
Aistriú: colainn-leá

Giúdaigh ghearrchiníoch
Éilíonn coire-thrua
Aisling na hiarfheirge
Ag cothú feirge nua

Glam-nach-binn murascaille
Sasain ’na hainmhéid Nua
I bhfad ó bhás Aimeirice
Is fós á tharraingt chucu

Éirinn bheag an bacach
Níos dearóile ná riamh
Taca claon an mhaistín
Ní leánn an t-im ’na béal!

Liam Prút, sliocht ón gcnuasach Cnap-Uaisle, lch 34 (Coiscéim, 2008)

Hear the extract read aloud

Á lódáil/Loading...
00:00 / 00:00