Grúpa 2018 ainmnithe!
13 Samhain 2017
Cuirtear sraith nua d'ocht bportráidí/ochtar scríbhneoirí leis an mbunachar in aghaidh na bliana. Chuige sin, ba mhór le páirtithe an tionscadail an dara liosta nua, liosta 2018, a bhaineann le Céim 2 den togra a roinnt.
ÍoslódáilTionscadal ilchéimneach, ilbhliantúil is ea Portráidí na Scríbhneoirí Gaeilge. Sa chéad chéim den tionscadal cuireadh an leabhar agus an láithreán ar fáil bunaithe ar an gcartlann reatha phortráidí digiteacha. Sa dara céim den tionscadal, cuirtear portráidí dá bhfuil ann de scríbhneoirí eile na Gaeilge sna seánraí éagsúla leis an gcartlann seo go bliantúil chun an chartlann a iomlánú thar am. Cuirtear sraith nua d'ocht bportráidí nua/ochtar scríbhneoirí leis an mbunachar in aghaidh na bliana. Chuige sin, ba mhór le páirtithe an tionscadail an dara liosta nua, liosta 2018, a bhaineann le Céim 2 den togra a roinnt. Is iad siúd:
- Cathal Ó Háinle: Iarollamh le Nua-Ghaeilge i gColáiste na Tríonóide agus scríbhneoir acadúil
- Doireann Ní Ghríofa: file
- Pádraic Breathnach: Iarléachtóir le Gaeilge, i gColáiste Mhuire gan Smál, Luimneach, gearrscéalaí agus úrscéalaí
- Pádraigín Riggs: Iarléachtóir sinsearach le Nua-Ghaeilge i gColáiste na hOllscoile, Corcaigh, agus scríbhneoir acadúil
- Póilín Ní Chiaráin: iriseoir
- Ruairí Ó hUiginn: Stiúrthóir, Scoil an Léinn Cheiltigh, Institiúid Ard-Léinn Bhaile Átha Cliath, agus scríbhneoir acadúil
- Siobhán Parkinson: scríbhneoir don aos óg
- Tadhg Mac Dhonnagáin: scríbhneoiri scripte, agus scríbhneoir don aos óg
Réiteofar portráidí den ochtar scríbhneoirí seo, móide eolas beathaisnéise agus sonraí gaolmhara eile sa chéad sé mhí de 2018 le poibliú faoi mhí na Nollag an bhliain seo chugainn, nuair a sheolfar an t-ábhar agus nuair a fhógrófar liosta 2019. Tá COMHAR agus Foras na Gaeilge thar a bheith buíoch do na scríbhneoirí agus na grianghrafadóirí a thoiligh a bheith páirteach sa togra spreagúil seo. Foilseachán stairiúil is ea é seo; ceiliúradh ar an oidhreacht liteartha a chuir na scríbhneoirí seo ar fáil don teanga.