Ógie Ó Céilleachair
Photographer: Moira Sweeney
Usage rights: COMHAR
Date: 2 July 2024
Setting: Helvick Head, Co. Waterford
Genres: Playwright, Short story writer, Scriptwriter, Childrens' author, Novelist, Novelist for adult language learners
Is as Gaeltacht na Rinne sna Déise d’Ógie Ó Céilleachair. Tar éis dó freastal ar an mbunscoil agus an mheánscoil sa Rinn, bhain sé amach céim onórach sna hEalaíona i gColáiste na hOllscoile, Corcaigh. Fad is a bhí sé ann scríobh sé agus léirigh sé an dráma, An Toghchán, le Cumann Drámaíochta UCC sa bhliain 2004. Chuaigh sé ar aghaidh chun Ard Dioplóma san Oideachas a dhéanamh in Ollscoil na hÉireann Gaillimh. Scríobh sé agus léirigh sé an dráma, An Buachaillín Bán, le Cumann Drámaíochta OÉG sa bhliain 2005. Ina dhiaidh sin d’éirigh leis máistreacht a bhaint amach i dTeagasc Teangacha in Acadamh na hOllscolaíochta Gaeilge, OÉG. Caitheann Ógie a chuid ama idir an Rinn agus Luimneach. Múinteoir Gaeilge, staire & drámaíochta é i nGaelcholáiste Luimnigh, áit a scríobhann agus a léiríonn sé dráma leis an idirbhliain go bliaintiúil. Tá téacsleabhar staire don Teastas Sóisearach, An Cúrsa Iomlán Staire, foilsithe aige. Tá trí leabhar foilsithe aige le Cló Iar-Chonnacht. Sa bhliain 2011 d’fhoilsigh sé an t-úrscéal do dhéagóirí, Cúpla. D’fhoilsigh sé cnuasach gearrscéalta do dhéagóirí, Katfish & Scéalta Eile sa bhliain 2017 agus úrscéal don aosach óg, Árasán, sa bhliain 2021.
Ógie Ó Céilleachair is from the Gaeltacht of An Rinn in the Co. Waterford. He attented primary and secondary school in An Rinn. He then graduated with an honors degree in Arts at University College, Cork. While there he directed and directed the play, An Toghchán, with the UCC Irish Language Dramatic Society in 2004. He went on to do a Higher Diploma in Education at the National University of Ireland Galway. He wrote and directed the play, An Buachaillín Bán, with Cumann Drámaíochta OÉG in the year 2005. Following this he succeeded in obtaining a master's degree in Language Teaching at the Academy of Irish Language University Education, NUIG. Ógie spends his time between An Rinn and Limerick. He is a teacher of Irish, history & drama in Gaelcholáiste Luimnigh, where he writes and performs a play with transition years every year. He has published a history textbook for the Junior Certificate, An Cúrsa Iomlán Staire. He has published three books with Cló Iar-Chonnacht. In 2011 he published the novel for teenagers, Cúpla. He published a collection of short stories for teenagers, Katfish & Scéalta Eile in 2017 and a novel for young adults, Árasán, in 2021.
Birth date: 11 September 1982
Share this portrait:
Tar éis do Sharon slán a fhágaint ag Éile theith sí suas an tsráid agus d’imigh sí timpeall an chúinne. D’fhan sí ann ar feadh cúpla nóiméad agus ansin thug sí sracfhéachaint thar an bhfalla. Bhí an bealach glan. Thrasnaigh sí an bóthar agus thosaigh sí ag siúl i dtreo Scoil na mBráithre. Bhuail an cloigín ar a fón agus í ar a slí.
“An mbeidh tú ann?”
Jimmy a sheol é.
“Cinnte,” a sheol sí ar ais chuige.
Bhí a fhios ag Sharon go raibh súil ag Jimmy uirthi. Thosaigh siad ag téacsáil le déanaí.
“Níl mé ag siúl amach le Jack i ndáiríre ar aon nós,” a dúirt sí léi féin. “Nílimid ach ag bualadh lena chéile.”
Bhí gach dalta ar an mbaile ar scoil faoin tráth seo. Shleamhnaigh an déagóir fánach isteach trí chúl na scoile agus ghearr sí trasna na páirce traenála. Bhí sceitimíní uirthi agus spleodar ina bolg. Bhí a fhios aici go raibh sí ag déanamh rud as an tslí ach thaitin an dainséar léi. Shiúil sí go mall i dtreo an tseanbhotháin ag bun na páirce. Bhain sí triail as féachaint isteach an fhuinneog ach bhí sí róshalach. D’imigh sí go dtí an doras agus shiúil sí isteach. Bhí sí ag tnúth le Jimmy a fheiscint ach ní raibh sí réidh don radharc a bhí os a comhair.
Cúpla, Cló Iar-Chonnacht (2011), lgh 16-17.
Hear the extract read aloud